(NI BETH JULIAN)

HINAMON ng Malacanang ang Amnesty International na magsampa ng kaso laban sa alegasyon nito na pang-aabuso umano ng ilang pulis sa anti-drug operation.

Ginawa ni Presidential Spokesperson Salvador Panelo ang pahayag matapos sabihin ng Amnesty International na patuloy na nilalabag ng mga pulis ang karapatan pantao.

Ayon kay Panelo, ang problema sa grupong ito ay panay lang ang pagpuna sa mga opisyal at tauhan ng PNP pero wala naman nagsasampa ng kaso.

Katwiran ni Panelo, walang mailabas na tamang basehan ang mga ito at ebidensya kaya puro puna lang ang ginagawa.

Giit pa ni Panelo na naghahanap lamang ng ibubutas sa kasalukuyang administrasyon ang nasabing grupo subalit hindi naman nagtatagumpay.